..::..منتديات قمــر بغــداد..::..
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

..::..منتديات قمــر بغــداد..::..

ملتقى العراقيين والعرب
 
الرئيسيةالرئيسية  أحدث الصورأحدث الصور  التسجيلالتسجيل  دخول  

 

 مطبك دجاج العراقي

اذهب الى الأسفل 
2 مشترك
كاتب الموضوعرسالة
** الزعيم **
مشرف المنتديات الادبية والثقافية
** الزعيم **


عدد الرسائل : 161
العمر : 35
تاريخ التسجيل : 03/09/2007

مطبك دجاج العراقي Empty
مُساهمةموضوع: مطبك دجاج العراقي   مطبك دجاج العراقي Icon_minitimeالجمعة سبتمبر 07, 2007 6:04 am

--------------------------------------------------------------------------------

هلو شباب شلونكم اخباركم
شفت روحي كاعد فكلت شوية خلي اعلمكم شلون تسوون مطب الدجاج ولا حاجة بعد اليوم للنسوان فإن الزعيــم في خدمتكم ان شاء الله في كل وقت



============================
طبخ الدجاج اول (( تجهزه )) قبل التطبيك
============================

نجيب اول شئ الدجاج طبعا لازم يكون مقطع والنسبة هي كل دجاجة نسويها 6 قطع
نكمش هاي القطع ونغسلها بالمي ثم نحطلها مي عادي من الحنفية ونبقيها بالجدر لمدة ربع ساعة قبل الطبخ تبقى بالمية حتى تتنكع و بالطبخ اسرع واسهل، بعد الربع ساعة اندير المي ونحط مي جديد بالجدر وعلى النار حتى نسلك الدجاج


ورا عشر دقايق تشيلون الزفر الي راح يظهر بالمي مال الدجاج ويكون شكلة مثل الوغفة هذا تشيلوه بالخاشوكة وذبوه لانه لمن يصير وية الاكل يصير زفر و مطيب

المهم خلا 40 دقيقة يستوي الدجاج ويكون جاهز


=================================
اثناء عملية طبخ الدجاج تحضير البتيتة
=================================

نجيب اربع بتيتايات ونكشرهن و نقطعهن مربعات وغسلهن وراها نجيب الطاوة وزيت حار كمية كبيرة من الزيت ونكلي البتيتة بحيث نسويها شقرة او محمرة وبعدين نجمعها للبتية المكلاية بجدر صغيرة ونخليلها ملح وبهارات (( فلفل اسود - كاري - دارسين - نومي بصرة )) الكمية من كل نوع هي خاشوكة جاي


========================
التمن - طريقة التحضير
========================

نجيب تمن كمية اربع كلاصات تمن ونخليها بنجانة وندير عليها مي عادي من الحنفية علمود انكع التمن ومدة التنكيع لازم تكون حوالي نص ساعة لا تقل عن نص ساعة اثناء هاي النص ساعة نغسل التمن علمود يروح النشا من عند التمن ولازم يبقى التمن مغمور بالماء نص ساعة

لازم هسة نحضر جدر على الناء وبيه مي تملون نص الجدر مي و تخلوه على النار وتذبولة خاشوكتين اكل ملح وفد اربع هيلات (( حب هيل )) وتخلوه على النار لحد ما يفور المي وراها تجيبون التمن وتكبون المي مالته واديروه بالسنك مال المطبخ وراها تجيبون بس التمن واديروه بالمي الفاير وتبقون تخطوه بالجفجير



++++++++++++++++++++++++
اثناء طبخ التمن - عملية ترتيب الدجاج
++++++++++++++++++++++++

نجيب الدجاج المطبوخ ونفلسة بالماعون ونذب العظام للبزونة (( لتخلون البزونة تاكل بس العتوي ) لانه احنا نكره كل شئ مؤنث على عناد البنات ... المهم تفلسون الدجاج وتخلون اللحم مال الدجاج المفلس وية جدر البتيتة وشوية ملح مو هواية وتخبطوهم .. بس لتنسون التمن على النار اكثر من خمس دقايق لانه يعجن


لحد ما تشوفون الحباية مال التمن صارت شبه مستوية اطلعون التمن و اصفوه بالمصفي مال التمن وراها تغسلون الجدر وتخلوه على النار لحد ما ينشف من المي وتخلون شوية زيت بالجعبية مال الجدر وراها اديرون شوية من التمن يعني طبقة صغيرة من التمن بالجدر ثم تجيبون البتيتة والدجاج تخلوها فوك طبقة التمن ثم اديرون باقي التمن فوك البتيته والدجاج يعني صارت الشغلة 3 طوابق تمن دجاج وبتيتة ثم التمن
تبقون الجدر على نار هائة لمدة
الرجوع الى أعلى الصفحة اذهب الى الأسفل
كرستالة بغداد

كرستالة بغداد


عدد الرسائل : 216
العمر : 32
تاريخ التسجيل : 06/09/2007

مطبك دجاج العراقي Empty
مُساهمةموضوع: رد: مطبك دجاج العراقي   مطبك دجاج العراقي Icon_minitimeالجمعة سبتمبر 07, 2007 7:06 am

ههههههههههههههههههه
اي بعد متحتاجونة
يسلمووو الزعيم على الموضوع والطبخة
يا اخي شهيتني
هههههههههههه
تحياتي
الرجوع الى أعلى الصفحة اذهب الى الأسفل
 
مطبك دجاج العراقي
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
..::..منتديات قمــر بغــداد..::.. :: منتدى الاناقه والمراه والانوثـه :: مطبخك سيدتي-
انتقل الى: