..::..منتديات قمــر بغــداد..::..

ملتقى العراقيين والعرب
 
الرئيسيةالرئيسية  س .و .جس .و .ج  بحـثبحـث  التسجيلالتسجيل  الأعضاءالأعضاء  المجموعاتالمجموعات  دخول  

شاطر | 
 

 اعتذار الى الامام المهدي (عج) بمناسبة احداث كربلاء

اذهب الى الأسفل 
كاتب الموضوعرسالة
** الزعيم **
مشرف المنتديات الادبية والثقافية
avatar

عدد الرسائل : 161
العمر : 30
تاريخ التسجيل : 03/09/2007

مُساهمةموضوع: اعتذار الى الامام المهدي (عج) بمناسبة احداث كربلاء   الأحد سبتمبر 09, 2007 3:55 pm

--------------------------------------------------------------------------------

السلام عليكم
اولا اهنىء العالم الاسلامي بمولد بقية الله في ارضه الامام المهدي عجل الله فرجه .
ثانيا رحم الله شهدائنا الابرار التي سفكت دمائها ظلما في كربلاء المقدسة في الخامس عشر من شعبان .




الى الامام المهدي عج


اعتذار


*****


عفواً سيدي واعذرني يامولاي


وآنه ارجوك تقبل سيـــــدي بعـــذري


اريد احـﭽـي الحقيقة والعـذر مرخوص


واريد اطلع مراره الساكـــنه بصــــــــدري


ضيعنه السـلف ما بين هذا وذاك


ما اعرض اسماء وحضرتك تـــــــــــــدري


عـــدنه إِسيول اجتنه وتاكل الخيرات


وكل تيار بحقاده ﮔـبل يجـــــــــــــــــــــــــــري


ما بيهم شريف ويدعو لجل الدين


بس لحزابهم يدعون بري هذا لو بـــحري


لا تعـرف يتامه وتظلم المظلوم


وﭽـنهه اتـﮔـول بس ليه الظلم حصري


تتغالب صفت حتى ويه ملـﭻ مــــوت


واحتار الخـلـﮒ بيهه وحيرت فكــــــــــــــــــري


ضيعنه البخت بينه وصبح مـﮔــلـــــوب


ونشوف الصاحي بيه جـــدري






*******


لا تعتب بعد على اللي يريد ايبـــــوﮒ


لان نص الشعب صــاروا حراميـــــــــــــه


ﮔـبل ﭽــان الحرامي ايبـــوﮒ نص الليل


وهســـه البوﮒعدنه صار ظهـــــــريــه


ارد احـﭽـي الحقيقة وخلي كلشي ايصير


خلها اتـﮔـول عـــندي افكـــار رجعـــــــــيه


شفت الشمر لابس ثوب الحسين


وشفت حوزات بس بفكار بعثيـــــــــــه


شفت ارجال بس ابشيلة النسوان


و واحــدهم عيب اتجيب ماضيــــــــــه


الواوي واوي و لو رضع من ذيب


ماتـﮔــدر تبدل اطباع واويــــــــــــــه


******


ما ظلت زلم للكلفه تمشي ويــاك


وحـﮒ حيدر علي الكرار والكوثر




راحت وي هلك وي ميثم التمار


وي الفارسي سلمان والاشتر


طـوّل غيبتك ياسيدي اترجاك


طـوّل غيبتك مولاي وتأخــــــر


لان صار العوج بالدنيه هذا اليوم


عدل بالدين يتســــــتر


ولان صار اليامر بمعـــروف


عدهم يعمل المنكـــــــــــــــــر


تشوف وجوه تضحك من تجبل عليك


و واحدهم بالاصل ذيب اعور واكشـــــــــر


عافت دين جــدك ينزف ومجروح


وغراها الطمع وبالكرسي تتقشمــــــر


جوعان الشعـــب واهل الكراسي اتحوف


وخيرات العراقي لغيره تتصدر


مبيوﮒ السلف واهل العمامه اتبوﮒ


وحتى الكفر بيهم ﮔـام يتكفر


من صار الوله مو لاهل داحي الباب


صفه عدهم ولاء لسيد المستر


شسولفلك بعد وانت على هذا الحال


تدري وشرد اضيف اكثر


طـوّل غيبتك ياسيدي اترجاك


طـوّل غيبتك مولاي وتأخــــــر


اشباه الزلم من تظهر الها اليوم


اذا ما شالت فشـﮔـها عليك


عنـك كلها تتـكتـــــــــر


****


قاسم السماوي


16 شعبان
__________________

آنه من شعب العراق الشال ظيم الكون كله وما تهنه


انه من شعب العراق اليطش روحه طيب للناس ومحنه


انه من شعب العراق الفارش اذراعه مضيف وتالي محد نشد عنه


انه من شعب العراق و يلي يلي انشدت عني انه من ارض المثنى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اعتذار الى الامام المهدي (عج) بمناسبة احداث كربلاء
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
..::..منتديات قمــر بغــداد..::.. :: المنتديات الأدبية و الثقافية :: منــتـدى الشـعـر الشـعـبـي-
انتقل الى: